1917
1917
ქ ა რ თ უ ლ ი უ ნ ი ვ ე რ ს ი ტ ე ტ ი.
საბჭო
წ ი ნ ა ს წ ა რ ი ს ხ დ ო მ ი ს დ ღ ი უ რ ი
N-01
,,26’’ ნოემბერი 1917 წ.
სხდომა დაიწყო საღამოს 7. 10 სა-ათზე
(ბატ. ექვთიმე თაყაიშვილის ბინაზე)
დაესწრენ: გოგიჩაიშვილი, ფ.; თაყაიშვილი, ე.; კეკელიძე, დეკ. კორნ.; უზნაძე, დ; შანიძე, ა; ჯავახიშვილი, ი.
თავმჯდომარეობდა: ი. ჯავახიშვილი მდივანი: ა. შანიძე
1. განსახილველი საგანი: რა ტიპისა უნდა იყოს ჩვენი უნივერსიტეტი? იმავე ტიპისა, როგორც რუსეთში, თუ სხვაგვარი?
განაჩენი: აზრთა გაცვლა-გამოცვლის შემდეგ გადაწყდა, რომ, უცხოეთის ბევრ უნივერსიტეტის მსგავსად, ერთი სიბრძნისმეტყველების ანუ საფილოსოფიო ფაკულტეტი დაარსდეს, შემდეგი განყოფი-ლებებით:
1) ჰუმანურ მეცნიერებათა (რომელიც უდრის პეტერბურგის
უნივერსიტეტის საისტორიულ-ფილოლოგიური და აღმოსავ-ლური ენების ფაკულტეტებს)
2) სამათემატიკო და
3) საბუნებისმეტყველო.
მხოლოდ ამ თავითვე გაიხსნას ჰუმანურ მეცნიერებათა განყოფი-ლება.
2. განსახილველი საგანი: ჩვენი სამეცნიერო ძალები.
განაჩენი: დასახელებულ იქნენ პროფესორებად: ს. ავალიანი, გ. ახვლედიანი, ფ. გოგიჩაიშვილი, კ. კეკელიძე, შ. ნუცუბიძე, დ. უზ-ნაძე, ი. ყიფშიძე, ა. შანიძე, ი. ჯავახიშვილი. მეცნიერ ხელმძღვანელებად: ი. აბულაძე, ე. თაყაიშვილი, მ. წერეთელი.
ლექტორებად: მოლა ცივაძე (არაბული ენისათვის), მემედ აბაშიძე (ოსმალურისათ-ვის), ბ. Liausun’ი (ფრანგული ენის), ბ. A. Leist’ი (გერმანული
ქ ა რ თ უ ლ ი უ ნ ი ვ ე რ ს ი ტ ე ტ ი.
საბჭო
ს ხ დ ო მ ი ს დ ღ ი უ რ ი
N-02
“8” დეკემბერს 1917 წ.
სხდომა დაიწყო საღამოს “8.30” საათზე
(საეპარქიო სასწავლებელში)
დაესწრენ: ფ. გოგიჩაიშვილი, კ. კეკელიძე, ი. ყიფშიძე, ი. ჯავახიშვილი
თავმჯდომარეობდა: მდივანი:
1. განსახილველი საგანი: უნივერსტიტეტის დებულებათა საკითხი.
განაჩენი: ივ. ჯავახიშვილმა კრებას მოახსენა, რომ ძირითადი დებულებანი უკვე დამტკიცებულია.
2. განსახილველი საგანი: ხარჯთაღრიცხვის საკითხი.
განაჩენი: წარმოდგენილ იქმნა ფ. გოგიჩაიშვილის მიერ ორი ხარჯთაღრიცხვა: ვრცელი და შემოკლებული (200.000 და 156.000). კრებამ შესაძლოდ დაინახა ხარჯების კიდევ შემოკლება 100.000 - 120.000 მანეთამდის.
3. განსახილველი საგანი: ხარჯების დასაფარავი შემოსავლის წყაროები.
განაჩენი: დასახელებულ იქმნა შემდეგი უმთავრესი წყაროები: 1) სწავლის ფული 2) საუნივერსიტეტო საზოგადოების დაჴმარება 3) ეროვნული საბჭოს დაჴმარება 4) კერძო შემოწირულობანი.
მდივანი: ა. შანიძე
ქ ა რ თ უ ლ ი უ ნ ი ვ ე რ ს ი ტ ე ტ ი
კერძო თათბირი
ს ხ დ ო მ ი ს დ ღ ი უ რ ი
N-03
“17” დეკემბერს, 1917 წ.
სხდომა დაიწყო...............................”........” საათზე
დაესწრენ: ი. აბულაძე, კ. კეკელიძე, დ. უზნაძე, ი. ყიფშიძე, ა. შანიძე
თავმჯდომარეობდა: არავინ მდივანი: ა. შანიძე
1 განსახილველი საგანი: უნივერსიტეტის გაჴსნის დრო
განაჩენი: გამოთქმულ იქმნა სურვილი, რომ უნივერსიტეტი გაიჴსნას 14 იანვარს. გაჴსნაზე მოწვეულ იქმნან სხვა და სხვა კულტურულგანმანათლებელ საზოგადოებათა წარმომადგენლები.
2 განსახილველი საგანი: უნივერსიტეტში მისაღებ პირთა ცენზის შესახებ.
განაჩენი: საჭიროდ იქმნა აღიარებული საშუალო სასწავლებლების ცენზი (სტუდენტთათვის): ვაჟთა და ქალთა გიმნაზიები, რეალური სასწავლებელი, კომერციული წმ. ნინოს სასწავლებლები, სასულიერო სემინარია (ოთხი კლასი), სომეხთა სას. სემინარია, საეპარქიო სასწავლებლები, კადეტთა კორპუსი, საოსტატო ინსტიტუტი, ქალთა ინსტიტუტი.
3. განსახილველი საგანი: უნივერსიტეტში ამ თავითვე წაკითხული საგნებისა და პროგრამების შესახებ.
განაჩენი: ჩამოთვლილ იქმნა ყველა ის საგნები, რომლებიც ახლავე იქმნება წაკითხული შემდეგ დარგებიდან: 1, საფილოსოფიო, 2, საისტორიო, 3, სალიტერატურო, 4, საენათმეცნიერო, 5, სოციალურ მეცნიერებათა და 6, საპედაგოგიო დარგებიდან.
4. განსახილველი საგანი: უნივერსიტეტის გაჴსნისა და მისაღები პირობების შესახებ განცხადება გაზეთებში.
განაჩენი: ი. ყიფშიძემა და ა. შანიძემ იკისრეს სათანადო განცხადების შედგენა და გაზეთებში დაბეჭდვა.
მდივანი: ა.შანიძე
ქ ა რ თ უ ლ ი უ ნ ი ვ ე რ ს ი ტ ე ტ ი.
საბჭო
ს ხ დ ო მ ი ს დ ღ ი უ რ ი
N-04
“19” დეკემბერს 1917 წ.
სხდომა დაიწყო...............................”........” საათზე
დაესწრენ: ი. აბულაძე, ე. თაყაიშვილი, პ. მელიქიშვილი, დ. უზნაძე, ი. ყიფშიძე, ა. შანიძე, ივ. ჯავახიშვილი.
თავმჯდომარეობდა: პ. მელიქიშვილი მდივანი: ა. შანიძე
1. განსახილველი საგანი: სამოსწავლო გეგმის შედგენის შესახებ.
განაჩენი: არჩეულ იქმნა კომისია, რომელსაც დაევალა სამოსწავლო გეგმის დაწვრილებით შემუშავება. კომისიაში არჩეულ იქმნენ: ივ. ჯავახიშვილი, ი. ყიფშიძე, ფ. გოგიჩაიშვილი, დ. უზნაძე.
2. განსახილველი საგანი: უნივერსიტეტში სტუდენტად მისაღებ პირთა განათლების ცენზის შესახებ.
განაჩენი: კერძო თათბირზე (17 დეკემბერს) მიღებული აზრი მოწონებული და დამტკიცებული იქმნა შემდეგის დამატებით: სტუდენტებად მიიღებიან აგრეთვე საოსტატო სემინარიაში კურს დამთავრებულნი მხოლოდ ფსიქო პედაგოგიურფსიქოლოგიურ დარგზე. ამასთანავე უნივერსიტეტს უფლება აქვს როგორც ამ პირთ, ისე საზოგადოდ ყველა სტუდენტს დამატებითი გამოცდები მოსთხოვოს ამა თუ იმ საგანში დარგისდა მიხედვით.
3. განსახილველი საგანი: სწავლის ფულის რაოდენობა.
განაჩენი: გადაჴდეს ყველა მსმენელს (სტუდენტსაცა და თავისუფალ მსმენელს) სემესტრში ასი მანეთი.
ხოლო იმ თავისუფალ მსმენელთ, რომელთაც ჰსურს ერთი ან ორი კერძო საგნის მოსმენა, გადაჰჴდეს სემესტრში ხუთი თუმანი.
4. განსახილველი საგანი: ი. ჯავახიშვილმა კრებას აცნობა განსვენებულის კიტა აბაშიძის ანდერძი მისი წიგნთსაცავის ქ. უნივერსიტეტისადმი გადმოცემის შესახებ.
განაჩენი: კრებამ ფეხზე ადგომით პატივსცა განსვენებულის ჴსოვნას და დაადგინა მთელი შემადგენლობით დაესწროს მის დასაფლავებას.
მდივანი: ა. შანიძე
ქ ა რ თ უ ლ ი უ ნ ი ვ ე რ ს ი ტ ე ტ ი.
საბჭო
ს ხ დ ო მ ი ს დ ღ ი უ რ ი
N-05 “27” დეკემბერს 1917 წ.
სხდომა დაიწყო შუადღის “12. 30” საათზე
(ქ. გიმნაზიის შენობაში)
დაესწრენ: ფ. გოგიჩაიშვილი, კ. კეკელიძე, პ. მელიქიშვილი, შ. ნუცუბიძე, ი. ყიფშიძე, ა. შანიძე, ი. ჯავახიშვილი.
თავმჯდომარეობდა: პ. მელიქიშვილი მდივანი: ა. შანიძე
1. განსახილვევი საგანი: სამოსწავლო გეგმის შესამუშავებლად არჩეული კომისიის მოჴსენება:
კომისიამ გადაწყვიტა, რომ ჩვენს უნივერსიტეტში, საგნების დანაწილება დარგებისდა მიხედვით იყოს (ფილოსოფიური, პედაგოგიური, საენათმეცნიერო, საისტორიო, სალიტერატურო, სოციალურ მეცნიერებათა, მომავალში აგრეთვე ჴელოვნებისა და საღვთისმეტყველო) და არა ენების მიხედვით, როგორც რუსულ უნივერსიტეტებშია (სლაურრუსული, კლასიკური, რომანულგერმანული). ამას გარდა, საერთო საგნებად, ე.ი. ყველასთვის სავალდებულო საგნებად ცნობილ იქმნა: ლოღიკა, ფსიქოლოგია, ფილოსოფიის შესავალი, საქართველოს ისტორიის საზოგადო კურსი (დროებით) და ერთერთი ევროპული ენა (ინგლის; ფრ; გერმ.). საზოგადო საგნები უნდა მოსმენილ იქმნენ ორის წლის განმავლობაში.
განაჩენი: გეგმა მოწონებულ იქმნა საერთოდ, მაგრამ არჩეულ იქმნა კიდევ კომისია, რომელსაც მიენდო საკითხის გადაშინჯვა და ამა თუ იმ დარგში არასავალდებულო საგნების შემოკლება და თანაც პირველი სემესტრის ლექციების განაწილება და სტუდენტების ლექციებზე ჩაწერის ტეხნიკა. კომისიაში მოჰყვნენ: ი. ჯავახიშვილი, კორნ. კეკელიძე, ი. ყიფშიძე, შ. ნუცუბიძე, ფ. გოგიჩაიშვილი.
2 განსახილველი საგანი: სხვა უმაღლეს სასწავლებლებიდან გადმოსულ სტუდენტთა მიერ მოსმენილი საგნების ჩათვლის საკითხი.
განაჩენი: გადაწყდა, რომ შეიძლება ჩაეთვალოს მხოლოდ ის საგნები, რომელთაც ჰკითხულობენ სამეცნიერო ხარისხის მქონე პირები.
ამის შესახებ საგანგებოდ გამოცხადებული არ იქმნება, მაგრამ ყოველ კერძო შემთხვევაში დადებითად გადაწყვეტილი იქმნება.
მდივანი: ა. შანიძე
წყარო: "ტფილისის სახელმწიფო უნივერსიტეტი. პროფესორთა საბჭოს ოქმები", გამოსაცემად მოამზადეს მანანა ლილუაშვილმა და ზურაბ გაიპარაშვილმა, თბ., უნივერსალი, 2006