• library@tsu.ge
  • ორშაბათი-პარასკევი, 9:00 -18:00

ჯავახიშვილი ალექსანდრე ნიკოლოზის ძე  

ჯავახიშვილი ალექსანდრე ნიკოლოზის ძე   (1875, გორი, ― 1973, თბილისიგეოგრაფი, ანთროპოლოგი, პედაგოგი და საზოგადო მოღვაწე. გეოგრაფიულ მეცნიერებათა დოქტორი, საქართველოს მეცნიერებათა აკადემიის აკადემიკოსი (1944), სსრკ გეოგრაფიული საზოგადოების პრეზიდენტის მოადგილე (1924-1940), პროფესორი. საქართველოს გეოგრაფიული საზოგადოების პრეზიდენტი (1940-1970). დაწყებითი სწავლა-განათლება თბილისის სათავადაზნაურო ვაჟთა სასწავლებელში მიიღო.  შემდგომში სწავლობდა   თბილისის ვაჟთა მეორე კლასიკურ გიმნაზიაში. 1895-ს ჩააბარა მოსკოვის უნივერსიტეტის ფიზიკა-მათემატიკის ფაკულტეტზე სახელმწიფო ხარჯზე სწავლის გაგრძელების უფლებით.  1900   პირველი ხარისხის დიპლომით დაამთავრა უნივერსიტეტი და დარჩა საპროფესოროდ მოსამზადებლად. მუშაობას აგრძელებდა  საქართველოსა და კავკასიის ხალხთა ანთროპოლოგიის შესწავლის კუთხით.  1912-ს ალ.  ჯავახიშვილის ანთროპლოგიური შრომების  ,,საქართველოს ანთროპოლოგია“, ტ. I და II,  მოსკოვის უნივერსიტეტთან არსებულმა ბუნებისმეტყველების, ანთროპოლოგიისა და ეთნოგრაფიის მოყვარულთა საზოგადოებამ უმაღლესი სამეცნიერო ჯილდო — პროფესორ ალექსანდრე რასცვეტოვის პრემიები მიანიჭა.     

1918-დან ხელმძღვანელობდა საქართველოს ცენტრალურ პედაგოგიურ მუზეუმს. 1920-ს 19 ივნიის თბილისის სახელმწიფო უნივერსიტეტის პროფესორთა საბჭოს გადაწყვეტილებით ალ. ჯავახიშვილი არჩეული იქნა სამათემატიკო-საბუნებისმეტყველო ფაკულტეტის  საზოგადოებრივი გეოგრაფიისა და ანთროპოლოგიის კათედრის პროფესორად. 1918-1921 ასწავლიდა თბილისის პოლიტექნიკურ ინსტიტუტში.

1926-1932 ხელმძღვანელობდა საქართველოს კარტოგრაფიული ინსტიტუტს, 1933-1938 თბილისის სახელმწიფო უნივერსიტეტთან არსებული გეოგრაფიის ინსტიტუტს. 1945-1962 ვახუშტის სახელობის გეოგრაფიის ინსტიტუტს. არის ვახუშტი ბაგრატიონის სახელობის გეოგრაფიის ინსტიტუტის  (1945) და საქართველოს სსრ გეოგრაფიის საზოგადოებაოს  (1924) დამაარსებელი.  1936-1938 კითხულობდა ლექსიებს:   ბათუმის, 1943-1949, გორი 1933-1936    ქუთაისის  პედაგოგიურ  ინსტიტუტებში,  ხოლო 1934-1936  ბაქოს პედაგოგიურ ინსტიტუტში. იგი მონაწილეობდა აგრეთვე საქართველოს პირველი ეროვნული ატლასის (1964) შედგენა-გამოცემაში, რისთვისაც მას სხვა მეცნიერებთან ერთად მიენიჭა საქართველოს სახელმწიფო პრემია (1971).

ალექსანდრე ჯავახიშვილის სახელს ატარებს კავკასიონის ერთ-ერთი მწვერვალი, მისი სახელობისაა ასევე საქართველოს გეოგრაფიული საზოგადოება.

Publish modules to the "offcanvs" position.

Free Joomla! templates by Engine Templates