• library@tsu.ge
  • ორშაბათი-პარასკევი, 9:00 -18:00

ცეცხლაძე გრიგოლ

ცეცხლაძე გრიგოლ  (6.IV.1894, სოფ.ჭანჭეთი - 23.XI.1976, თბილისი) - ქართველი მწერალი, პოეტი და მთარგმნელი. დაამთავრა თბილისის პედაგოგიური ინსტიტუტი. 1915-1917 წწ-ში იყო წერა-კითხვის გამავრცელებელი საზოგადოების ბიბლიოთეკის ინსტრუქტორი.

1917 დაიწყო ლექსების ბეჭდვა. 1918-1920 წწ-ში გაზ. „მეგობრის“, ხოლო 1920-1921 წწ-ში გაზ. „სახალხო გაზეთის“ რეპორტიორი; 1919 მისი რედაქტორობით გამოდის ლიტ. ჟურ. „თოლაბაურის სარტყელი“, რომლის სამი ნომერი გამოიცა. მასში იბეჭდებოდა ცისფერყანწელების შემოქმედება. 4.IV.1919 - თბილისში, ჟურ. „თოლაბაურის სარტყელში“ დაიბეჭდა მისი, გალაკტიონ ტაბიძის, გიორგი ლეონიძის, რაჟდენ გვეტაძის, შალვა კარმელის, ლადო მაჭავარიანის, რაუდ გოგოხიას, კოკი ებრალიძის, ლიენა ლანის, შ. დორდელის, გ. მეგრელიშვილის ლექსები.

1924-1927 წწ-ში იყო ჟურ. „ხელოვნების“ რედაქციის, 1927-1929 წწ-ში გამომცემლობა „ქართული წიგნის“ მდივანი; 1935 იყო საქართველოს საბჭოთა მწერლების კავშირის წევრი, 1939-1941 წწ-ში საქართველოს რადიოკომიტეტის ლიტერატურული მუშაკი, 1942-1947 წწ-ში ჟურ.  „ნიანგის“ ლიტმუშაკი, 1948-1949 წწ-ში საქლიტფონდის დირექტორის მოადგილე, 1930-1938 წწ-ში ეწეოდა ლიტერატურულ მუშაობას.  მისი თავისუფალი ლექსები („დიხაშხო“, „ოქტომბერი - ფრაგმენტი“ და სხვ.) ახალი ფორმის ძიების ნიშნითაა აღბეჭდილი. გამოსცა შემდეგი წიგნები: დადაისტური კრებული „პოეტის ყეფა“ (1924), „ოთხი მაუზერი“ (1931), „საკუთარი ხმა“ (1935), „ფერად-ფერადი ლექსები“ (1949); თარგმნა -პუშკინის „ევგენი ონეგინი“, ესენინის „ანნა სნეგინა“, მაიაკოვსკის ლექსები და პოემები, ნეკრასოვის „ვინ ცხოვრობს რუსეთში კარგად“.ს. ცერეკიძესა და შ. აფხაიძესთნ ერთად, ქართული ვერლიბრის პირველ თორიტიკოსად ითვლება. იყო ქართული დადამანიფესტის ავტორი.

Publish modules to the "offcanvs" position.

Free Joomla! templates by Engine Templates