1918 პ. მელიქიშვილის მოწვევით ჩამოვიდა თბილისში და თბილისის სახელმწიფო უნივერსიტეტში ჩამოაყალიბა ადამიანის ანატომიის კათედრა, რომელსაც სიცოცხლის ბოლომდე ხელმძღვანელობდა. 1919 დროებით ხელმძღვანელობდა უნივერსიტეტის სამკურნალო ფაკულტეტს.
1921-1930 წწ-ში ხელმძღვანელობდა თსუ-ის ჰისტოლოგიის კათედრას და 1926-1928 წწ-ში - ტოპოგრაფიული ანატომიის დოცენტურას, ხოლო 1919-1920 წწ-ში - სამედიცინო ფაკულტეტს. იყო თსუ-ის პრორექტორი (1923-1925), თბილისის სახელმწიფო სამედიცინო ინსტიტუტის პრორექტორი (1930-1932). 1946 დააარსა ექსპერიმენტული მორფოლოგიის ინსტიტუტი, რომლის დირექტორი იყო სიცოცხლის ბოლომდე. 1952-1955 წწ-ში ხელმძღვანელობდა ფიზიოლოგიის ინსტიტუტს. შექმნა ქართულ ენაზე პირველი სახელმძღვანელოები: ადამიანის ნორმალური ანატომია (1921), შინაურ ცხოველთა ანატომია 2 ტომად (1931-1953), პლასტიკური ანატომია (თანაავტორია. ა. მალაევი). მისივე ხელმძღვანელობით დამზადდა ნერვიული სისტემების მოდელები და დაიწყო მათი სერიული წარმოება (1951). მას ეკუთვნის არაერთი შრომა, კერძოდ, ადამიანის საღეჭი აპარატი, თბ., 1937; გადანერგილი ნაწლავის ვასკულარიზაცია და პლასტიკურობა, ,,ექსპერიმენტული მორფოლოგიის ინსტიტუტის შრომები“, 1949, ტ 2 და ა.შ. დაჯილდოებულია ორდენებითა და მედლებით