• library@tsu.ge
  • ორშაბათი-პარასკევი, 9:00 -18:00

კავსაძე ალექსანდრე

კავსაძე ალექსანდრე (სანდრო) გრიგოლის ძე (1874, სოფ. ხოვლე, გორის მაზრ.  - 12.VI.1939, თბილისი) - მომღერალი, ლოტბარი. მუსიკალური განათლება არ მიუღია. სწავლობდა და მღეროდა გორის სასულიერო სასწავლებელში. 1894 წ-დან გორის დაწყებით სკოლაში ასწავლიდა სიმღერას. მოსწავლეებისგან ჩამოაყალიბა მომღერალთა გუნდი, რომლის შემადგენლობაში ვ. სარაჯიშვილიც შედიოდა. 1896-1911 წწ-ში ხელმძღვანელობდა მომღერალთა გუნდს. 1911 წ-დან მუშათა გუნდები ჩამოაყალიბა ჭიათურასა და ტყიბულში, სადაც 24 წლის განმავლობაში მოღვაწეობდა. ჟურ. ,,თეატრი და ცხოვრების“ ცნობით, „სადგურ შორაპანში რკინის გზის პროფესიონალურ კავშირთან არსებული კულტურა-განათლების კომისია, მუშათა კლუბის თეატრის აშენებას შეუდგა, ძველ თეატრში კი უკვე წარმოებს სისტემური წარმოდგენები და კონცერტები. ხელმძღვანელობს სახალხო მომღერალი სანდრო კავსაძე“. 1935 თბილისში  ჩამოაყალიბა მომღერალთა გუნდი 100-კაციანი შემადგენლობით.      

Publish modules to the "offcanvs" position.

Free Joomla! templates by Engine Templates